Mother

*ખુબ જ સુંદર કવિતા:*

અણગમતું પણ એની ખાતર

ક્યારેક ગમતું કરવાનું.

હથિયાર વગર સંતાનો પાસે

રોજ સિકંદર બનવાનું.

*ખૂબ જ અઘરું લાગે સાલું*

*મા થઈને ફરવાનું.*

જીવન આખું દરીયો છે,

તોફાન ભલેને આવે,

બહાદુર છે એ જ ખરાં જે

એમાં નાવ ચલાવે

આવી હિંમત દીકરાને દઈ

ખુદ અંદરથી ડરવાનું.

*ખૂબ જ અઘરું લાગે સાલું*

*મા થઈને ફરવાનું.*

સાત નહીં સત્તાવીસ કોઠા

પણ હું જીતી જાણું,

હારી જ્યારે આવ્યું ટાણું

દીકરીના સગપણનુ.

દિલમાં અનરાધાર વરસે,

ને ઉપરથી હસવાનું

*ખૂબ જ અઘરું લાગે સાલું*

*મા થઈને ફરવાનું.*

નવી નવેલી વાતો એની

આપણને ના ફાવે,

રીત રીવાજો જુનાં જુનાં

એ પણ ના અપનાવે,

ત્યારે એવું લાગે જાણે

સામા વહેણે તરવાનું.

*ખૂબ જ અઘરું લાગે સાલું*

*મા થઈને ફરવાનું.*

*Dedicated to all Mothers *👆